TECHNOLOGY COMPANYနည်းပညာကို အသုံးပြု၍ အနာဂတ်သို့
ရွှေ့လျှားခြင်း

ကုမ္ပဏီစတင်တည်ထောင်စကတည်းက Yanmar ကုမ္ပဏီ သည် လူတွေ၏နေထိုင်မှုဘဝများ တိုတက်မြင့်မားစေလိုသည့် စိတ်စေတနာဖြင့် ဦးစီးဦးဆောင်ပြု၍ ဆောင်ရွက်ခဲ့သည်မှာ ယနေ့ထိတိုင်ဖြစ်ပါသည်။ ဖြေရှင်းနည်းများအား ကြိုးစားအားထုတ်ရှာဖွေချိန်တွင်လည်း စွမ်းအင်အရင်းမြစ်အနည်းဆုံးကို အသုံးပြုပြီး အများဆုံးသောပြည့်စုံကြွယ်ဝမှုများ ဖြစ်စေနိုင်မည့် နည်းပညာများကို ရှာဖွေခဲ့ခြင်းဖြစ်ပါသည်။ အရာအားလုံးအတွက် ရေရှည်တည်တံ့သော ကြွယ်ဝပြည့်စုံခြင်း နှင့် သဘာဝအတိုင်း ဆက်လက်တည်တံ့ခိုင်မြဲစေခြင်း ဤအခြေခံသဘောတရားနှစ်ခု ယှဉ်တွဲရှိနေရန်အလို့ငှာ ပိုမိုကောင်းမွန်သော မနက်ဖြန်များအတွက် ကြွယ်ဝပြည့်စုံခြင်း ပုံစံအသစ်တစ်ခု ဖန်တီးရန် နည်းပညာများကိုဆက်လက်၍ အသုံးချသွားပါမည်။

VISION 01စွမ်းအင်ချွေတာသော လူ့အဖွဲ့အစည်း။

အချိန်တိုင်းတွင် စွမ်းအင် ပိုမို ရရှိနိုင်ခြင်း(စွမ်းအင်လေလွင့်ဆုံးရှုံးမှုနည်းပါးခြင်း၊ ဘေးကင်းလုံခြုံသည့် အပူစွမ်းအင်ထုတ်လွှတ်ခြင်း၊ စွမ်းအားပြည့် အလုပ်လုပ်နိုင်ခြင်း)

Our Solutionကျွန်ုပ်တို့သည် သဘာဝပတ်ဝန်းကျင်နှင့် လိုက်လျောညီထွေမှု ရှိသော စွမ်းအင်များကို
ပိုမိုအကျိုးရှိရှိကူညီပံ့ပိုးပေးလျက်ရှိပါသည်။

စွမ်းဆောင်ရည်မြင့်မားပြီး ဘေးကင်းလုံခြုံသော နည်းပညာတစ်ခု အပြင် အခြားစွမ်းအင်မျိုးစုံကို အကောင်းဆုံးချိန်ညှိပေးသည့် စနှစ်တစ်ခုအနေဖြင့်လည်း ပိုမိုဖွံ့ဖြိုးတိုးတက်စေရန် ကျွန်ုပ်တို့ ကြိုးပမ်းလုပ်ဆောင်နေပါသည်။ နည်းပညာပိုင်းဆိုင်ရာ စွမ်းဆောင်မှုများနှင့်အတူ လွယ်ကူအဆင်ပြေသော ဘဝနေထိုင်မှုပုံစံနှင့် သဘာဝပတ်ဝန်းကျင်ပေါ်တွင် သက်ရောက်မှု အနည်းဆုံးတို့ဖြင့် ဟန်ချက်ညီညီ ဖန်တီးရန် ကြိုးပမ်းလျက်ရှိနေပါသည်။

close

scrollscroll

VISION 02လူအများ စိတ်ချမ်းချမ်းသာသာဖြင့်
နေထိုင်အလုပ်လုပ်နိုင်သော လူ့အဖွဲ့အစည်း

ခက်ခဲကြမ်းတမ်းသော လုပ်ငန်းဆောင်ရွက်မှုအခြေအနေများမှ သက်သာစေခြင်း။ လူအများသည် ဘေးကင်းပြီး စိတ်ချမ်းသာမှုရှိကာ အာမခံချက်ရှိသည့် နေထိုင်မှုများနှင့် သဘာဝနှင့် လိုက်ဖက်သည့် နေထိုင်သော ဘဝကို ပိုင်ဆိုင်ရပါမည်။

Our Solutionအလိုအလျောက်စနစ်နှင့် စက်မှု
လုပ်ဆောင်ချက်များဖြင့်
သက်တောင့်သက်သာရှိသော
အလုပ်ပတ်ဝန်းကျင်တစ်ခုကို ကျွန်ုပ်တို့
ကူညီပံ့ပိုးပေးနိုင်ပါသည်။

စက်အစားထိုးအသုံးပြုမှုနှင့် အလိုအလျောက်စနစ် နည်းပညာတို့ကို အသုံးပြုပြီး ပိုမိုကောင်းမွန်သော အလုပ်ခွင်ကို ဖန်တီးပေးသောကြောင့် အလုပ်ပင်ပန်းမှုကို လျော့နည်းစေပြီး အလုပ်ပြီးမြောက်မှု ပိုတိုးလာစေပါသည်။ ဘေးကင်းမှုနှင့် အလုပ်လုပ်နိုင်စွမ်း မြင့်မားစေမည့် အခြေခံအဆောက်အဉီး၊ မြို့ပြဖွံ့ဖြိုးတိုးတက်မှုနှင့် နည်းပညာ ဖွံ့ဖြိုးတိုးတက်မှုတို့ကို အထောက်အပံ့ပေးခြင်းဖြင့် ထိုသို့ဖြစ်လာစေရန် ကျွန်ုပ်တို့ လုပ်ဆောင်ပါသည်။

close

scrollscroll

VISION 03ဘေးကင်းလုံခြုံသော အစားအစာများ
ပေါကြွယ်ဝမှုများကို ပျော်ရွှင်ခံစားနိုင့်သည့် လူ့အဖွဲ့အစည်း

အချိန်တိုင်း၊ နေရာတိုင်းတွင် အရသာရှိပြီး အာဟာရပြည့်ဝသော အစားအစာများ အားလုံးအတွက်
ပိုကျန်းမာသော နေထိုင်မှု။

Our Solutionအစားအစာဖြစ်တည်လာမှုကွင်းဆက်တိုင်းအတွက် အလုံးစုံ ပံ့ပိုးမှုကို ကျွန်ုပ်တို့ ပေးစွမ်းပါသည်။

မြေဆီလွှာ ထွန်ယက်ခြင်းမှ မျိုးစေ့များ ကြဲခြင်း၊ ရိတ်သိမ်းခြင်းနှင့် စားသုံးသူများထံ ထုတ်ကုန် ဖြန့်ဖြူးခြင်းအထိ အစားအစာတန်ဖိုးကွင်းဆက်တစ်ခုလုံးတွင် ကျွန်ုပ်တို့ ကူညီပေးပါသည်။ ကျွန်ုပ်တို့၏ ထုပ်ကုန်များတွင် အရည်သွေးမြင့်အရည်အသွေးကောင်းများ ပေါင်းထည့်ရန် စိုက်ပျိုးရေးနှင့် ငါးမွေးမြူရေး လုပ်ငန်းများတွင် ရေရှည်တည်တံ့သော လုပ်ငန်းဆောင်ရွက်ချက်များကို ကျွန်ုပ်တို့ စူးစမ်းလေ့လာနေပါသည်။ တစ်ကမ္ဘာလုံးက အရသာရှိပြီး ဘေးကင်းသော အစားအစာကို လက်ခံရရှိနိုင်မည့် လူ့အဖွဲ့အစည်းတစ်ခုကို ကျွန်ုပ်တို့ ဖန်တီးထားပါသည်။

close

scrollscroll

VISION 04ချမ်းသာကြွယ်ဝမှုနှင့် စိတ်ချမ်းမြှေ့ဖွယ် အတွေ့အကြုံတို့ဖြင့် ပြည့်ဝနေသည့် စိတ်လှုပ်ရှားဖွယ် ဘဝကို ပေးစွမ်းသော လူ့အဖွဲ့အစည်း။

ပိုမိုကောင်းမွန်သော ဘဝနေထိုင်မှု နှင့် အကောင်းဆုံးပျော်ရွှင်မှုများကို ရယူလိုက်ပါ

Our SolutionYanmar သည် ၎င်း၏ လုပ်ငန်းမှတဆင့် နေ့စဉ်ဘဝကို ပြည့်စုံကြွယ်ဝစေရန် ကြိုးပမ်းနေပါသည်။

လွယ်ကူအဆင်ပြေမှုနှင့် တီထွင်နိုင်မှုတို့ကို ထည့်သွင်းပေးထားသည့် ထုတ်ကုန်များနှင့် ဝန်ဆောင်မှုများကိုသာ ကျွန်ုပ်တို့ ပံ့ပိုးပေးရုံသာမကဘဲ လုပ်အား ချွေတာရေး နည်းပညာများကိုလည်း ဖန်တီးပေးပါသည်။ ဘေးကင်းလုံခြုံမှုနှင့် ပြည့်စုံကြွယ်ဝမှုရှိသည့် ကိုယ်ရေးကိုယ်တာဘဝနှင့် အလုပ်တစ်ခု ရှိထားရန်အတွက် ရည်ရွယ်ပါသည်။

close

scrollscroll

TECHNOLOGY CONCEPTအရင်းမြစ်အနည်းဆုံးကို အသုံးပြု၍ ပြည့်စုံကြွယ်ဝချမ်းသာမှု အများဆုံးသို့ အမှန် တကယ်ဖြစ်ပေါ်စေခြင်း

အနည်းဆုံး စွမ်းအင်မှ အမြင့်ဆုံးစွမ်းအား။ လုပ်အားအနည်းဆုံးဖြင့် အများဆုံးသီးနှံရိတ်သိမ်းမှု။စိတ်ဖိစီးမှုအနည်းဆုံးဖြင့် အများဆုံး သက်တောင့်သက်သာဖြစ်မှု ။ပတ်ဝန်းကျင် သက်ရောက်မှု အနည်းဆုံးဖြင့် အကောင်းမွန်ဆုံး ပျော်ရွှင်မှု။Yanmar တွင် အစားအသောက် ထုတ်လုပ်မှုနှင့် စွမ်းအင် ပြောင်းလဲမှုအတွက် အသုံးဝင်သော နည်းပညာများကို ဆက်လက်ဖန်တီးနေခြင်းက ရင်းမြစ်အနည်းဆုံးဖြင့် အမြင့်မားဆုံး ရလဒ်များ ဖန်တီးပေးနေခြင်း ဖြစ်ပါသည်။ လာမည့် နှစ် 100 ကို ကျော်လွန်၍ ရှုမြင်ရင်း ကျွန်ုပ်တို့၏ နည်းပညာက ရေရှည်တည်တံ့သော အနာဂတ်နှင့် ပိုကောင်းသော ပြည့်စုံကြွယ်ဝမှုကို သေချာစေသည့် ဖြေရှင်းနည်းများကို ပံ့ပိုးပေးသွားပါမည်။

YANMAR TECHNOLOGY

Yanmar သည် ပို၍ပြည့်စုံကြွယ်ဝသော လူ့အဖွဲ့အစည်းအတွက် ဖြေရှင်းနည်းများကို ရှာဖွေနေရင်း
နယ်ပယ်ငါးခုတွင် သုတေသနနှင့် ဖွံ့ဖြိုးတိုးတက်မှုလုပ်ငန်းများကို ဆောင်ရွက်လျက်ရှိပါသည်။

  • Y-Energy
  • Y-Robotics
  • Y-Cultivation
  • Y-Experience
  • Y-Quality

Y-Energyပတ်ဝန်းကျင်ထိခိုက်မှု အနည်းဆုံးနှင့်
အသင့်ဆုံး စွမ်းအင် ထောက်ပံ့ပေးနိုင်မှု

Yanmar သည် သုတေသနနှင့် ဖွံ့ဖြိုးတိုးတက်ရေး ဌာန များနှင့် ချိတ်ဆက်လုပ်ဆောင်ခြင်းဖြင့် အကျိုးဖြစ်ထွန်းမှု၊ စွမ်းဆောင်ရည်မြင့်မားမှု၊ ပတ်ဝန်းကျင်နှင့် ကိုက်ညီမှုတို့ကို ပေါင်းစပ်ပေးသည့် နည်းပညာများနှင့် မျိုးဆက်သစ် ပါဝါထရိန်းများ ဖန်တီးမှုတို့ကို စူးစမ်းလေ့လာနေပါသည်။ ဤထုတ်ကုန်သည် နောက်ဆုံးပေါ် လျှပ်စစ်မော်တာ အသုံးချမှုတို့ကို ရှေးရှု၍ စွမ်းအင်ရင်းမြစ်များကို အကျိုးရှိစွာ အသုံးချသည်။

  • အင်ဂျင် နည်းပညာ
  • ဟိုက်ဒရိုဂျင် / အပူဓါတ် အသုံးချ နည်းပညာ
  • နှစ်မျိုးစပ် နည်းပညာ
  • ပါဝါ အီလက်ထရွန်နစ် / ပါဝါ ထရန်စမစ်ရှင် နည်းပညာ
  • စွမ်းအင် စီမံခန့်ခွဲရေး နည်းပညာ

Y-Roboticsလူ့စွမ်းအား အနည်းဆုံးဖြင့်
အလုပ် အကျိုးဖြစ်ထွန်းမှု အများဆုံး။

ခက်ခဲသော အခြေအနေများတွင် အလိုအလျောက်စနစ်နှင့် အလိုအလျောက် လယ်ကွင်းတွင်း စက်ရုပ်များပါသည့် နည်းပညာကို စတင်လုပ်ဆောင်နေရင်း လူအများက ပိုကောင်းမွန်သော ဘေးကင်းမှု၊ ပိုနည်းသော အားစိုက်ထုတ်မှုနှင့် ပို၍ တိကျမှုတို့ဖြင့် အလုပ်လုပ်နိုင်သည့် လူ့အဖွဲ့အစည်းကို ပေးစွမ်းပါသည်။

  • တိုင်းတာမှု နည်းပညာ
  • AI ထိန်းချုပ် နည်းပညာ
  • စက်မှုနှင့် စွမ်းအင် ပြောင်းလဲမှု နည်းပညာ
  • ထိန်းချုပ်မှုစနစ် နည်းပညာ

Y-Cultivationအရည်အသွေးအမြင့်ဆုံး အစားအစာအတွက်
ထိုက်ခိုက်မှုအနည်းဆုံး ရိတ်သိမ်းမှု

စိုက်ပျိုးရေးနှင့် ငါးမွေးမြူရေးများတွင် ဇီဝနည်းပညာ သုတေသနနှင့် ဖွံ့ဖြိုးတိုးတက်ရေးသည် ရေရှည်တည်တံ့သော အစားအသောက် ထုတ်လုပ်မှုကို အောင်မြင်စေပါသည်။ ကျွန်ုပ်တို့က ရိတ်သိမ်းမှု ပမာဏနှင့် အရည်အသွေးကို သိသာစွာ တိုးပွားစေသည့် နည်းပညာများ အသုံးပြုခြင်းဖြင့် အရသာရှိပြီး ဘေးကင်းသော အစားအသောက်ကို ပံ့ပိုးပေးပါသည်။

  • အပင်မျိုးဖောက်ခြင်းနှင့် မျိုးပွားခြင်း နည်းပညာများ
  • စောင့်ကြည့်ရေးစစ်ဆေးရေး နည်းပညာများ
  • ပတ်ဝန်းကျင် ထိန်းချုပ်ရေး နည်းပညာများ
  • ဇီဝဗေဒဆိုင်ရာ အကဲဖြတ်မှု နည်းပညာများ

Y-Experienceနောက်ဆုံးပေါ် ဖြေရှင်းနည်းများနှင့်အတူ
စိတ်လှုပ်ရှားမှုအမြင့်မားဆုံးအချိန်များ

ပြည့်စုံသောပျော်ရွှင်ချိန်များကို ခံစားနိုင်စေမည့် နည်းပညာများကို ကျွန်ုပ်တို့ ဖန်တီးပေးထားပါသည်။ ပြည့်စုံကောင်းမွန်သော အတွေ့အကြုံတို့ဖြင့် ပြည့်ဝနေသည့် စိတ်လှုပ်ရှားဖွယ် ဘဝကို ပေးစွမ်းနိုင်သော လူ့အဖွဲ့အစည်းကို ဖန်တီးနိုင်မည်ဟု ကျွန်ုပ်တို့ မျှော်လင့်ပါသည်။

  • အဝေးမှ ထိန်းချုပ်ရေး နည်းပညာများ
  • သိမြင်မှုဆိုင်ရာ နည်းပညာများ
  • အကဲဖြတ်သုံးသပ်ခြင်း နှင့် ကြိုတင်ခန့်မှန်းရေး နည်းပညာများ
  • အသေးစိတ်ရှာဖွေဖော်ထုတ်ရေး နည်းပညာများ
  • လုံခြုံရေး

Y-Qualityအနှောင့်အယှက် အနည်းဆုံးဖြင့်
ယုံကြည်စိတ်ချရမှုနှင့် သက်သာမှုအများဆုံး ရရှိစေခြင်း

အရည်အသွေးမြင့် ထုတ်ကုန်များကို ဒီဇိုင်းဆွဲရန်၊ ထုတ်လုပ်ရန်နှင့် အကဲဖြတ်ရန် တို့အတွက် နည်းပညာများကို စတင်အသုံးပြုခြင်းဖြင့် ထုတ်လုပ်မှုပိုင်းတွင် အနှောင့်အယှက်မစေဘဲ မြင့်မားသော အလုပ်လုပ်ဆောင်ခြင်းတို့ ဖြစ်လာစေကာ အမြင့်မားဆုံး စိတ်ချယုံကြည်မှုမျိုးကိုရယူ ပေးစွမ်းနိုင်ပါသည်။

  • ကုန်ထုတ်စွမ်းအားအတက်အကျလေ့လာမှု
  • ပစ္စည်းများနှင့် ဒီဇိုင်း နည်းပညာများ
  • အကဲဖြတ်သုံးသပ်ခြင်း နှင့် ကြိုတင်ခန့်မှန်းရေး နည်းပညာများ
  • အသေးစိတ်ရှာဖွေဖော်ထုတ်ရေး နည်းပညာများ
  • လုံခြုံရေး

TECHNICAL REVIEW

Yanmar နည်းပညာဆိုင်ရာ သုံးသပ်ချက်တွင် R&D အချက်အလက်နှင့် ကျွန်ုပ်တို့၏ သုတေသနနှင့်
ဖွံ့ဖြိုးတိုးတက်ရေး အဖွဲ့က တင်ပြသည့် နည်းပညာဆိုင်ရာ စာရွက်စာတမ်းများ ပါဝင်ပါသည်။
၎င်းထဲတွင် စဉ်ဆက်မပြက် ဆက်တိုက် ဖွံ့ဖြိုးတိုးတက်ရေး အဆင့်မြင့် နည်းပညာများကို တင်ပြထားပါသည်။

RESEARCH BASE

Yanmar ရှိ လုပ်ငန်းများကို ထောက်ပံ့ပေးနိုင်ရန်အတွက် နည်းပညာပိုင်းဆိုင်ရာ သုတေသန အဆောက်အအုံများကို ကမ္ဘာကြီး၏ နေရာအနှံ့အပြားတွင် ဆောင်ရွက်လျက်ရှိပါသည်။

Research and Development Center Yanmar Kota Kinabalu R&D Center Yanmar R&D Europe Bio Innovation Center Marine Farm Bio Innovation Center, Kurashiki Laboratory Yanmar (Shandong) R&D Center

သုတေသနနှင့် ဖွံ့ဖြိုးတိုးတက်ရေး စင်တာ

သုတေသနနှင့် ဖွံ့ဖြိုးတိုးတက်ရေး စင်တာ(Maibara၊ Shiga)

Yanmar သည် ၁၉၅၆ခုနစ် မှစ၍ ပြည့်စုံကျယ်ပြန့်သော သုတေသန အဖွဲ့အစည်းကို ဆောင်ရွက်လာခဲ့ပါသည်။ သုတေသနနှင့် ဖွံ့ဖြိုးတိုးတက်ရေး စင်တာသည် Yanmar Group ရှိ သုတေသနပိုင်း အတွက် အဓိက တွန်းအားပေးသော အင်အားတစ်မျိုး ဖြစ်ပါသည်။ ဤလုပ်ငန်းများတွင် အလိုအလျောက် လုပ်ဆောင်မှုများ၊ စက်ရုပ်များနှင့် စွမ်းအင်ကို စူးစမ်းလေ့လာမှုများ ပါဝင်ပါသည်။

Yanmar Kota Kinabalu R&D စင်တာ

Yanmar Kota Kinabalu R&D စင်တာ(Kota Kinabalu၊ မလေးရှား)

အာရှစျေးကွက်များတွင် ထိုးဖောက်ဝင်လာသည့် ဇီဝလောင်စာများကို ထုတ်လုပ်ခြင်းနှင့် စီစစ်ခြင်းတို့ဖြင့် ရေရှည်အသုံးပြုနိုင်အောင် အပြင်းအထန် ကြိုးပမ်းလျက်ရှိပါသည်။ ကျွန်ုပ်တို့၏ စိုက်ပျိုးရေးနှင့် ရေသတ္တဝါလုပ်ငန်း သုတေသနနှင့် ဖွံ့ဖြိုးတိုးတက်ရေးတွင်လည်း ဇီဝနည်းပညာဆိုင်ရာ လုပ်ငန်းစဉ်များကို ကျွန်ုပ်တို့ အသုံးချဆောင်ရွက်လျက်ရှိပါသည်။

Yanmar R&D Europe

Yanmar R&D Europe(Tuscany၊ အီတလီ)

မျိုးဆက်သစ် စွမ်းအင်ကို ထိရောက်စွာ အသုံးပြုနိုင်ရေးအတွက် နည်းပညာများကို စတင်ဆောင်ရွက်ရန် ဒေသတွင်း တက္ကသိုလ်များ၊ သုတေသန အဖွဲ့အစည်းများနှင့် ကုမ္ပဏီများနှင့် ကျွန်ုပ်တို့ ပူးပေါင်းလုပ်ကိုင်နေပါသည်။ ဒေသတွင်း စွမ်းအင် ကွန်ရက်များ၊ အဆင့်မြင့် အသွင်တူဆောင်ရွက်မှုများနှင့် စက်ရုပ် ထိန်းချုပ်မှုတို့အတွက် နည်းပညာများနှင့် ပတ်သက်၍ သုတေသနပြုနေပါသည်။

ဇီဝ တီထွင်ဆန်းသစ်မှု စင်တာရေအောက်မွေးမြူရေး

ဇီဝ တီထွင်ဆန်းသစ်မှု စင်တာ
ရေအောက်မွေးမြူရေး
(Kunisaki၊ Oita)

ရေအောက်မွေးမြူရေး လုပ်ငန်းများတွင် ရှေ့ပြေးဖြစ်စေရန်အတွက် ဤအထူးသီးသန့် သုတေသန အလုပ်ရုံကို Yanmar က ဆောင်ရွက်ပေးနေပါသည်။ ရေသတ္တဝါမွေးမြူရေးကို တိုးမြှင့်လုပ်ကိုင်ရန် ရေသတ္တဝါမွေးမြူရေး အလုပ်ရုံများ၊ အစာရင်းမြစ်များနှင့် မုတ်ကောင်ငယ်လေးများတို့ကို စတင်ဆောင်ရွက်ခြင်းဖြင့် ရေရှည်တည်တံ့ပြီး သန့်ရှင်းသော ရေသတ္တဝါလုပ်ငန်းကို တည်ဆောက်ရန် ကျွန်ုပ်တို့ ကြိုးပမ်းလုပ်ကိုင်ပါသည်။

ဇီဝ တီထွင်ဆန်းသစ်ရေး စင်တာ၊Kurashiki Laboratory

ဇီဝ တီထွင်ဆန်းသစ်ရေး စင်တာ၊
Kurashiki Laboratory
(Kurashiki, Okayama)

နောက်ဆုံးပေါ် ဇီဝနည်းပညာ အလုပ်ရုံအဖြစ် တည်ငြိမ်သော ဆွတ်ခူးမှု၊ ထုတ်လုပ်ရေးနှင့် ရေရှည်တည်တံ့သော အစားအစာ ထုတ်လုပ်ရေး စနစ်များကို ချမှတ်ရန် ကျွန်ုပ်တို့က ဂျပန်နှင့် နိုင်ငံတကာ သုတေသန အဖွဲ့အစည်းများနှင့် ပူးပေါင်းလုပ်ကိုင်ပါသည်။ ဖြေရှင်းနည်းအသစ်များကို ဖန်တီးရန် ကြိုးပမ်းလုပ်ကိုင်ပါသည်။

Yanmar (Shandong) R&D စင်တာ

Yanmar (Shandong) R&D စင်တာ(Shandong၊ တရုတ်)

ထိပ်တန်း တရုတ် ကုမ္ပဏီများနှင့် သုတေသန အဖွဲ့အစည်းများ ပူးပေါင်းခြင်းဖြင့် စိုက်ပျိုးရေးနှင့် ရင်းမြစ် ပြန်လည်အသုံးချရေး နည်းပညာဒေတာ အချက်အလက်များနှင့် ဆက်စပ်လျက်ရှိသော သုတေသနများကို ကျွန်ုပ်တို့ ဆောင်ရွက်ပါသည်။ စွမ်းအင်ကို အကျိုးရှိစွာ အသုံးချ၍ အစားအစာ ထုတ်လုပ်မှုနှင် သန့်ရှင်းသော စွမ်းအင်ကို ဖန်တီးရန် လုပ်ကိုင်လျက်ရှိပါသည်။

  • Previous
  • Next

NEXT 100

အနာဂတ်၏ နည်းပညာများဖြင့် နောင်လာမည့် နှစ် 100 တွင်။

တိုးပွားလာသော ကမ္ဘာ့လူဦးရေ၊ အစားအသောက် ဖူလုံရေးနှင့် ကျွန်ုပ်တို့၏ ပတ်ဝန်းကျင်အတွက် စိန်ခေါ်မှုများ

ဤပြဿနာများကို ရင်ဆိုင်ဖြေရှင်းရင်း လာမည့် နှစ် 100 ကို ကျွန်ုပ် မော်ကြည့်နေပါသည်။

ကျွန်ုပ်တို့၏ အစားအသောက် ထုတ်လုပ်မှုနှင့် စွမ်းအင်ထိန်းချုပ်အသုံးချမှုတို့နှင့်အတူ

Yanmar တွင် ကျွန်ုပ်တို့ထက် ဦးဆောင်လုပ်ဆောင်ရမည့် အရေးကြီးတာဝန် ရှိနေပါသည်။

အစားအသောက်နှင့် စွမ်းအင်က အနာဂတ် လူ့အဖွဲ့အစည်းမှာ လျော့နည်းဖို့ မရှိပါ။

နောင်လာမည့် နှစ် 100 အတွက် ကျွန်ုပ်တို့၏ ပထမဆုံး ခြေလှမ်းများကို စတင်နေပါပြီ။

အားလုံးအတွက် ရေရှည်တည်တံ့သော ပြည့်စုံကြွယ်ဝမှုနှင့်

ရေရှည်တည်တံ့သော သဘာဝ ပတ်ဝန်းကျင်။

YANMAR သည် နည်းပညာကို အသုံးချ၍ အဆိုပါ “ရေရှည်တည်တံ့မှုများ”

ကို နောက်တစ်ဆင့်ရောက်အောင် ဆက်လက်လုပ်ဆောင်သွားမည်ဖြစ်၍ ၎င်းက နောင်လာမည့် နှစ် 100 တွင် တန်ဖိုးအသစ်ဖြစ်လာပါမည်။