ជាមួយនឹងបច្ចេកវិទ្យាយានយន្តគ្មានមនុស្សបើក យើងកំពុងធ្វើស្វ័យប្រវត្តិកម្មលើការងារកសិកម្មនិងផ្លាស់ប្តូរពិភពកសិកម្ម។

ចំណាយកម្មករតិចជាងមុន បំពេញការងារបានច្រើនជាងមុន។ អ្វីដែលធ្លាប់ មើលឃើញថាជាក្តីសុបិន្តដែលនៅឆ្ងាយ ឥឡូវនេះគឺជាការពិតដែលឈានទៅដល់។ ដោយមានការសហការជាមួយសាកលវិទ្យាល័យហុកកៃដូ យ៉ាន់ម៉ាបានបង្កើតត្រាក់ទ័ររ៉ូបតដោយជោគជ័យដែលកំពុងត្រូវបានធ្វើតេស្តសាកល្បងនៅក្នុងសេណារីយ៉ូជាក់ស្តែង។

ក្នុងចំណោមឧបករណ៍កសិកម្មទាំងអស់ដែលអាចត្រូវបានជ្រើសរើសសម្រាប់ប្រតិបត្តិការដោយខ្លួនឯង ត្រាក់ទ័រគឺជាបេក្ខភាពល្អបំផុតពីព្រោះត្រាក់ទ័រធ្វើការច្រើនពេញមួយឆ្នាំចាប់ពីការរៀបចំដីរហូតដល់ការប្រមូលផល។ ជាមួយនឹងកម្លាំងពលកម្មកំពុងថយចុះ ហើយដែលកំពុងវិវឌ្ឍន៍ទៅវ័យចំណាស់ផងដែរខណៈដែលយុវជនជ្រើសរើសចាប់យកអាជីពនៅក្នុងវិស័យផ្សេងទៀត ត្រាក់ទ័រដែលគ្មានអ្នកបើកបរអាចនឹងក្លាយជាដំណោះស្រាយផ្ទាល់តែម្តងដែលវិស័យកសិកម្មជប៉ុនកំពុងស្វែងរកយូរមកហើយ។

ការអភិវឌ្ឍគ្រឿងម៉ាស៊ីនប្រតិបត្តិការដោយខ្លួនឯងផ្សេងៗដូចជាម៉ាស៊ីនស្ទូងស្រូវនិងម៉ាស៊ីនច្រូតដែលគ្មានអ្នកបើកបរ ក៏កំពុងត្រូវបានពិចារណាអំពីសក្តានុពលរបស់ពួកវាផងដែរ។ ប្រសិនបើយើងអាចការងារកសិកម្មកាន់តែមានល្បឿនលឿន សុវត្ថិភាពនិងភាពត្រឹមត្រូវបន្ថែមទៀត នោះកសិកម្មនឹងកាន់តែក្លាយជាវិជ្ជាជីវៈដែលអ្នកណាក៏អាចបំពេញបាន។